2019.11.07 МЭДЭГДЭЛ

ОЛОН УЛСЫН БОЛОВСРОЛ ХӨГЖИЛ САНГИЙН ТЭТГЭЛГИЙН ЖУРМАНД ӨӨРЧЛӨЛТ ОРУУЛАХ ТУХАЙ

Бид ирээдүйн манлайлагчдад дэлхийн хөгжингүй орнуудад боловсрол эзэмших боломжийг олгохын тулд Монгол Улсын 21 аймаг, Улаанбаатар хотод хуваарийн дагуу ТЭТГЭЛГИЙН ШАЛГАЛТ-ыг зохион байгуулж, сурагчдаа сонгон шалгаруулдаг байсан билээ. 2019-2020 оны хичээлийн жил энэхүү ТЭТГЭЛГИЙН ШАЛГАЛТ-ыг зохион байгуулахгүйгээр цуцалж байгаа бөгөөд манай тэтгэлэгт хөтөлбөрт хамрагдахыг хүссэн сурагчид, эцэг эхчүүд урьдчилан цаг авч, хөтөлбөр хариуцсан мэргэжилтэнтэй ярилцлага хийсний дараа тэтгэлэг олгох эсэхийг шийдвэрлэх болно. Тэтгэлгийн тоо хязгаартай учир түрүүлж ярилцлаганд орсон, шаардлага хангасан сурагчдад тэтгэлгийг олгох болно. Хөдөө орон нутгийн иргэд заавал биечлэн ирэх шаардлагагүйгээр онлайнаар ярилцлаганд орох боломжтой.

Ярилцлагын цаг товлохоос өмнө тэтгэлгийн мэдээлэлтэй урьдчилан танилцана уу.

ТЭТГЭЛГИЙН ТАНИЛЦУУЛГА

ОЛОН УЛСЫН БОЛОВСРОЛ ХӨГЖИЛ САНГИЙН ТЭТГЭЛЭГ нь Монгол Улсын ирээдүйн хөгжилд хувь нэмрээ оруулах чадварлаг боловсон хүчнийг бэлдэх зорилготой бөгөөд сан болон олон улсын боловсролын байгууллагуудын хоорондын гэрээгээр санхүүждэг ТЭТГЭЛЭГ юм. Ярилцлаганд амжилттай оролцсон сурагчдад Австрали, Америк, Канад, Хятад улсуудад ХЭЛНИЙ БЭЛТГЭЛ, БАКАЛАВР-т 10-100 хувийн тэтгэлэгтэй суралцах эрхийг олгох юм. 

Тэтгэлгээр суралцах сургуулиудын мэдээллийг вэбсайтын ХЭЛНИЙ БЭЛТГЭЛ хэсгээс үзнэ үү.

ТАВИГДАХ ЕРӨНХИЙ ШААРДЛАГА

  • Гадаадад суралцах чин хүсэл эрмэлзэлтэй, өмнөө тавьсан зорилготой байх
  • Сүүлийн нэг жилийн сурлагын голч дүн 85-аас дээш байх
  • 2020 оны 6 сард Ерөнхий боловсролын гэрчилгээгээ авсан байх. 2018-2019 онд төгссөн, одоо их сургуулийн 1,2-р курсын оюутан байж болно.
  • Нийгэм, соёл урлаг, спортын үйл ажиллагаанд идэвхтэй оролцож, шагнал урамшуулал авч байсан бол давуу тал болно.

ТЭТГЭЛГИЙН ТОО ХЭМЖЭЭ

  • БНХАУ Сургалтын төлбөрийн 100% - 30 суралцагч
  • БНХАУ 50% - 30 суралцагч
  • Австрали 30% - 10 суралцагч
  • АНУ 100% - 10 суралцагч 
  • Канад 100% - 5 суралцагч
  • Солонгос 100% - 10 суралцагч

Хөтөлбөр хариуцсан мэргэжилтнээс ярилцлагын цаг авахаас өмнө суралцахаар сонирхсон улс, бусад гарах зардал, тухайн улсын визний шаардлагын талаарх мэдээлэлтэй заавал уншиж танилцсан байна. Иймд дараах формыг бөглөж, бүртгүүлсэн имэйл хаягаараа дэлгэрэнгүй мэдээллийг авна уу.