АНУ-ын гадаад оюутнуудад зориулсан топ 25 тэтгэлэг

АНУ-ын Засгийн газрын гадаад оюутнуудад зориулсан тэтгэлэг

Фулбрайтын Оюутны хөтөлбөр

Фулбрайтын Оюутны хөтөлбөр нь магистрын зэрэг олгох бүрэн тэтгэлэгт хөтөлбөр. АНУ болон бусад орны ард түмэн хоорондын харилцан ойлголцлыг бэхжүүлэх зорилготой. Тус хөтөлбөр нь АНУ-ын Төрийн департаментын боловсролын солилцооны хөтөлбөрүүдийн хамгийн том хөтөлбөр нь бөгөөд одоогоор дэлхийн 160 гаруй оронд хэрэгжиж байна.

АНУ-ын Засгийн газрын санхүүжилттэй Фулбрайтын Оюутны хөтөлбөр нь Монгол Улсад 1994 оноос хэрэгжиж эхэлсэн ба жилд 4-5 оюутан хамрагддаг. 2011 оноос Монгол Улсын Засгийн газартай хамтарсан хөтөлбөрийг эхлүүлснээс хойш АНУ-ын ЭСЯ-аас тус хөтөлбөрийг жилд хоёр удаа зохион байгуулж, жилд дунджаар 13-15 оюутан хамруулж байна.

Хөтөлбөрийн сонгон шалгаруулалт нэг жилийн хугацаанд үргэлжилж, шалгарсан оролцогчид өргөдөл гаргасны дараа жилийн зун хөтөлбөрөө эхлүүлдэг. АНУ-ын их дээд сургуулийн мастерын хөтөлбөрүүд 1-2 жил үргэлжилдэг.

Хюберт Х. Хамфригийн хөтөлбөр 

Хюберт Х. Хамфригийн тэтгэлэгт хөтөлбөр нь мэргэжлийн туршлага бүхий залуу болон дунд насны мэргэжилтнүүдэд АНУ-д мэргэжлийн боловсрол, чадвараа дээшлүүлэх боломжийг олгодог арван сарын магистрын төвшний зэргийн бус хөтөлбөр юм. Тус хөтөлбөрийг 1978 онд Дэд ерөнхийлөгч, сенатч асан Хюберт Х. Хамфригийн бүтээл зүтгэлийг үнэлэн мөнхжүүлэхээр түүний нэрэмжит болгон санаачилсан. Ирээдүйн манлайлагчид, бодлого боловсруулагчдад АНУ-ын нийгэм, соёлын ба мэргэжлийн чиглэлээр нь туршлага судлуулснаар АНУ болон олон улс хоорондын харилцан ойлголцлыг бэхжүүлэх зорилготой.

АНУ-ын их дээд сургууль, коллежиудын гадаад оюутнуудад зориулсан тэтгэлэг

Америкийн Их сургуулийн тэтгэлэг

Америкийн Их сургуулиас Бакалаврын хөтөлбөрт элсэн орж байгаа олон улсын оюутнуудад сурлагын амжилтыг нь үндэслэж, цөөн тооны сургалтын төлбөрийн хагас тэтгэлгийг олгодог. Мөн гадаад оюутнуудад сургалтын зээлийн хөтөлбөрт давхар хамрагдах боломжтой бөгөөд нэг хичээлийн жилд 6000 доллараас 25000 доллар хүртэлх сургалтын төлбөрийн тэтгэлэг авах боломжтой.

Амерст коллежийн тэтгэлэг

Амерст коллежийн элсэлтийн шалгуурыг давсан, амжилттай суралцах чадамж бүхий оюутнуудад сургалтын төлбөрийн зээл болон тэтгэлгийг олгодог байна. Зарим тохиолдолд сургуулийн кампуст ажил эрхлэх байдлаар сургалтын төлбөрөө төлөх боломжийг ч гаргаж өгдөг.

Кларк их сургуулийн тэтгэлэг

Кларк их сургууль элсэлтийн шаардлагыг хангасан гадаад оюутнуудад 15000-25000 долларын сургалтын төлбөрийн тэтгэлэг олгодог. Хэрэв оюутан сурлагын амжилтад тавигдах шаардлагыг хангавал төгсөн төгстөл уг тэтгэлэг олгогдох боломжтой.

Колби-Савер коллежийн тэтгэлэг

Тавигдах шаардлагыг хангасан олон улсын оюутнууд Колби-Савер коллежиос 20000-26000 доллар хүртэлх тэтгэлгийг жил бүр авах боломжтой. Сурлагын голч оноог үндэслэж тэтгэлгийн хэмжээг тодорхойлдог бөгөөд оюутан хэрэв амжилттай суралцвал хамгийн өндөр дүнгээр тэтгэлэг авах боломжтой.

Колумбиа Коллежийн Тэтгэлэг

АНУ-ын Миссури мужийн Колумбиа хотод байрлах Колумбиа Коллеж нь гадаад оюутнуудын өмнөх сурлагын амжилтыг үндэслэж 15-100 хувийн сургалтын төлбөрийн тэтгэлэг олгодог байна.

Конкордиа Коллежийн Тэтгэлэг

АНУ-ын Миннесота мужийн Мурхиэд хотод байрлах Конкордиа Коллеж нь гадаад оюутнуудын ар гэрийн нөхцөл байдал, сурлагын амжилтыг үндэслэн жилд 25000 хүртэлх ам.долларын тэтгэлэг олгодог байна. Энэхүү тэтгэлэг нь маш өрсөлдөөн ихтэй байдаг бөгөөд сургуульд элсэн орсон жилээс авхуулаад төгсөх хүртлээ тэтгэлгээ сунгуулах боломжтой.

Дартмоүт Коллежийн Тэтгэлэг 

АНУ-ын Нью-Хэмпшир мужийн Хановер хотод байрлах Дартмоүт Коллеж нь элсэн орсон гадаад оюутнуудынхаа сурлагын амжилт, санхүүгийн хэрэгцээ шаардлагад тулгуурлан сургалтын төлбөр, амжиргааны зардлын тэтгэлэг, сургалтын зээл зэргийг олгодог байна. 

Ийст Тэннисий Мужийн Их сургуулийн Тэтгэлэг

Ийст Тэннисий Мужийн Их сургууль нь сурлагын амжилтаараа тэргүүлэгч гадаад оюутнуудад зориулсан сургалтын төлбөрийн тэтгэлэг олгодог бөгөөд Бакалаврын оюутнуудад жилд 12500 ам.доллар, Мастерын оюутнуудад 11500 ам.доллар хүртэлх сургалтын төлбөрийн хөнгөлөлт олгодог байна.

Бириа Коллежийн Тэтгэлэг

АНУ-ын Кентаки мужийн Бириа хотод байрлах Бириа Коллеж нь шаардлага хангасан гадаад оюутнуудад сургалтын төлбөрийн тэтгэлгээс гадна дотуур байр, амжиргааны зардлын дэмжлэгийг мөн олгодог байна. Бириа Коллеж гадаад оюутнууддаа зуны амралтаараа сургуулийн хотхонд ажил эрхлэх боломжийг мөн гаргаж өгдөг байна.

Ийст Вэст Цэнтр

Ийст Вэст Цэнтр нь Ази номхон далайн бүс нутгийн орнуудаас ирсэн гадаад оюутнуудад Хавайн Их сургуульд Мастер, Доктор, манлайллын хөтөлбөрт суралцахад сургалтын төлбөр, амжиргааны зардлыг санхүүжүүлэх туслалцаа үзүүлдэг байна.

Имори Коллежийн Тэтгэлэг

АНУ-ын Жиоржиа мужийн Атланта хотод байрлах Имори Коллеж нь жил бүр гадаад оюутнуудаасаа санхүүгийн хэрэгцээ шаардлага өндөртэй байгаа оюутнууддаа зориулж сургалтын төлбөрийн дэмжлэг олгодог байна. Мөн Имори Их сургуульд элсэн ороход сурлагын амжилтыг үндэслэн сургалтын төлбөрийн тэтгэлэг олгодог байна.

Иллинойс Вэслийн Их сургуулийн Тэтгэлэг

Иллинойс Вэслийн Их сургууль жил бүр элсэн орж буй гадаад оюутнуудаасаа хамгийн өндөр оноотой хүмүүст сургалтын төлбөрийн 10000 доллараас 25000 доллар хүртэлх тэтгэлгийг олгодог байна. Мөн сургуулийн ерөнхийлөгчийн нэрэмжит бүтэн тэтгэлэг байдаг бөгөөд жилд хоёр оюутанд энэхүү эрхийг өгдөг байна.

Иова Мужийн Их сургуулийн Тэтгэлэг

Иова Мужийн Их сургуулиас элсэн орж буй гадаад оюутнуудын элсэлтийн шалгалтын оноо болон ерөнхий боловсролын гэрчилгээний дундаж дүнг харгалзан 2000 доллараас 10000 хүртэлх долларын сургалтын төлбөрийн тэтгэлэг олгодог байна.

Мичиган Мужийн Их сургуулийн Тэтгэлэг

Мичиган Мужийн Их сургууль Бакалавр болон Мастерын түвшний шаардлага хангасан цөөн тооны гадаад оюутнуудад сургалтын төлбөрийн болоод бусад тэтгэлгүүдийг олгодог байна.

Нью Йорк Их сургуулийн Тэтгэлэг

Нью Йорк Их сургууль жил бүр гадаад оюутнуудын сурлагын амжилтыг үндэслэн тодорхой тооны оюутнуудад 25000 доллараас 47000 долларын тэтгэлэг олгодог байна.

Орегон Их сургуулийн Тэтгэлэг

Орегон Их сургууль жил бүр хэдэн сая долларыг тус сургуульд элсэн суралцаж буй Бакалавр, Мастерын түвшний гадаад оюутнуудад сургалтын төлбөрийн тэтгэлэг болгон олгодог байна. Тус сургуулийн хамгийн алдартай хөтөлбөр нь ICSP Тэтгэлэгт хөтөлбөр бөгөөд жил бүр 30-40 шилдэг оюутанд сургалтын төлбөрийн 7500 доллараас 30000 долларын хөнгөлөлт үзүүлдэг байна.

Вэслийн Их сургуулийн Тэтгэлэг

Вэслийн Их сургуульд Бакалаврын түвшинд суралцах хүсэлтэй Азийн орны оюутнуудад сурлагын амжилт болоод элсэлтийн шалгалтын оноог харгалзан 11 оюутанд сургалтын төлбөрийн бүтэн тэтгэлэг олгодог байна. Мөн санхүүгийн нөхцөлийг харгалзан үзэж, 30 гадаад оюутанд санхүүгийн дэмжлэг олгодог байна.

Вэстийн Их сургуулийн Тэтгэлэг

Вэстийн Их сургууль элсэн орж буй гадаад оюутнуудын элсэлтийн шалгалтын оноо болон ерөнхий боловсролын гэрчилгээний дундаж дүнг харгалзан ерөнхийлөгч, деканы нэрэмжит тэтгэлгүүдийг олгодог байна. Эдгээр тэтгэлгүүд нь сургалтын төлбөрөөс 100 хувь чөлөөлж өгдөг байна.

Эдгээр болон бусад тэтгэлэгт хөтөлбөрт Олон Улсын Боловсрол Хөгжил сангаар дамжуулан АНУ-д сургалтын төлбөрийн 100% тэтгэлэгтэй суралцах хүсэлтэй хүүхэд залууст зориулсан БЭЛТГЭЛ ХӨТӨЛБӨР маань элсэлтээ авч байна. Хөтөлбөрийн талаарх дэлгэрэнгүй мэдээллийг www.edufund.mn/usa-scholarship холбоосоор аваарай.