ТЭТГЭЛГИЙН ТАНИЛЦУУЛГА

Олон Улсын Боловсрол Хөгжил сангийн сайн дурын ажилд идэвхтэй оролцсон, Edufund Academy сургалтыг амжилттай дүүргэсэн оюутан, сурагчдад Филиппин улсын Себу хотноо байрлах 3D Academy-ийн Англи хэлний эрчимжүүлсэн сургалтанд тэтгэлэгтэй суралцах боломжийг олгож байна. Иймд сайн дурын ажилтанд тавигдах шаардлага, тэтгэлэгт хамрагдах үе шат бүртэй сайтар уншиж танилцахыг зөвлөж байна. 

Хөтөлбөрт хамрагдсан сурагчид өдрийн 4 цагийн ганцаарчилсан сургалт, 3 цагийн групп сургалт /нэг ангидаа 3-5 хүн/, өдөрт нийт 7 цаг Англи хэлний эрчимжүүлсэн сургалтанд суух бөгөөд хичээл тус бүрийг өөр, өөр багш нар өөр өөр арга барилаар заах тул маш үр дүнтэй байдаг. Англи хэл нь Филиппинчүүдийн хоёрдогч хэл учраас бүх хүн Англиар ярьдаг, хичээлээс гадуур Англи хэлийг өдөр тутамдаа ашиглах орчин бүрдсэн гэж хэлж болно. 

СУРГАЛТЫН ТӨЛБӨРИЙН МЭДЭЭЛЭЛ

Тэтгэлэг авалгүйгээр сурвал үндсэн 1 сарын сургалтын төлбөр 828 ам.доллар, байрны төлбөр 1 сарын 438 ам.доллар, нийт 1266 ам.доллар болно. 18 наснаас доош насны хүүхдүүд 1 сарын сургалтын төлбөр 1068 ам.доллар, байрны төлбөр 1 сарын 438 ам.доллар, нийт 1506 ам.доллар болно. Байрны төлбөрт өдрийн 3 удаагийн хоол, цэвэрлэгээ угаалга, фитнес, бассейний төлбөр багтсан болно.

Төлбөрт багтаагүй зүйлс: Оршин суух зөвшөөрлийн хураамж 6800 песо, засвар үйлчилгээний төлбөр 600 песо, ном сурах бичиг 1000 песо, цахилгааны төлбөр 1500 песо нийт 9900 песо./1 песо ойролцоогоор 55₮ гэж тооцоход 544500₮ болно./  

НЭГ. САНГААС ОЛГОХ ТЭТГЭЛГИЙН ХЭМЖЭЭ

  • А төрлийн тэтгэлэг : 1 сарын сургалтын төлбөр, байрны төлбөр, онгоцны тийз
  • В төрлийн тэтгэлэг: 1 сарын сургалтын төлбөр, байрны төлбөр
  • С төрлийн тэтгэлэг: Сургалтын төлбөрөөс 300 ам.долларын хөнгөлөлт үзүүлнэ.

ХОЁР.ТАВИГДАХ ЕРӨНХИЙ ШААРДЛАГА

  • Гадаадад суралцах чин хүсэл эрмэлзэлтэй, өмнөө тавьсан зорилготой 
  • Сүүлийн нэг жилийн сурлагын голч дүн 85-аас дээш 
  • Нийгэм, соёл урлаг, спортын үйл ажиллагаанд идэвхтэй оролцож, шагнал урамшуулал авч байсан бол давуу тал болно.
  • Edufund Academy онлайн сургалтын хөтөлбөрийг амжилттай дүүргэсэн
  • Сангийн сайн дурын ажилд идэвхтэй оролцсон
  • Багаар ажиллах чадвартай
  • Өөрийгөө илэрхийлэх, олон нийтэд мэдээлэл хийх чадвартай
  • Сошл сувгуудыг үр дүнтэй ашиглах чадвартай
  • Блог, Влог, Контент бэлдэх чадвартай

ЭЛСЭЛТИЙН ХУГАЦАА

  • Эхний ээлж - 2020.03.16-2020.04.10 хугацаанд суралцана. /2020.01.25 өдрөөс өмнө Edufund Academy-ийн шалгалтыг амжилттай өгсөн сурагчид хамрагдана./
  • 2-р ээлж - 2020.04.13-2020.05.08 хугацаанд суралцана. /2020.02.25 өдрөөс өмнө Edufund Academy-ийн шалгалтыг амжилттай өгсөн сурагчид хамрагдана./
  • 3-р ээлж - 2020.06.15-2020.07.10 хугацаанд суралцана. /2020.04.25 өдрөөс өмнө Edufund Academy-ийн шалгалтыг амжилттай өгсөн сурагчид хамрагдана./
  • 4-р ээлж - 2020.07.13-2020.08.07 хугацаанд суралцана. /2020.04.25 өдрөөс өмнө Edufund Academy-ийн шалгалтыг амжилттай өгсөн сурагчид хамрагдана./
  • 5-р ээлж - 2020.08.10-2020.09.04 хугацаанд суралцана. /2020.04.25 өдрөөс өмнө Edufund Academy-ийн шалгалтыг амжилттай өгсөн сурагчид хамрагдана./

ТЭТГЭЛЭГТ БҮРТГҮҮЛЭХ

Дээрх шаардлагыг хангасан оюутан, сурагчид сангийн сайн дурын ажилтнуудыг бэлтгэх, хувь хүний хөгжил, багаар ажиллах чадвар, мөн сангийн үйл ажиллагааны талаар ойлголт, мэдлэг олгох Edufund Academy-д хамрагдаж, шалгалтаа амжилттай өгсөн байх шаардлагатай. Edufund Academy-ийн сургалт онлайнаар явагдах бөгөөд хүссэн цагаараа, хүссэн газраасаа хичээлээ үзэх боломжтой.

Тэтгэлэгт хамрагдахыг хүссэн сурагчид Edufund Academy-ийн сургалтын төлбөр 350,000₮-г Хаан банк 5176022529 Олон Улсын Боловсрол Хөгжил сан дансанд тушааж, төлбөрийн баримтаа сангийн фэйсбүүк хуудсанд ирүүлснээр бүртгэл баталгаажих болно. Гүйлгээний утга дээр нэр, утасны дугаараа бичнэ. Хэрэв манайд бүртгэлтэй сайн дурын ажилтнаас зөвлөгөө мэдээлэл авсан бол тухайн сайн дурын ажилтны бүртгэлтэй кодыг гүйлгээний утга дээр давхар оруулснаар 50,000₮-ийн хөнгөлөлтийг авч, 300,000₮-өөр суралцах боломжтой болно. Төлбөр төлөгдсөний дараа онлайн сургалтанд хамрагдах зааварчилгааг хүргүүлэх болно.