card

Олон Улсын Боловсрол Хөгжил сангийн сайн дурын ажилд идэвхтэй оролцсон, хөтөлбөрийн шалгуурыг хангасан оюутан, сурагчдад Австрали улсад сургалтын төлбөрийн 100% тэтгэлэгтэй суралцах эрхийг олгох бөгөөд хөтөлбөрийн шаардлага, сайн дурын ажилтанд тавигдах шаардлага, тэтгэлэгт хамрагдах үе шат бүртэй сайтар уншиж танилцахыг зөвлөж байна. 

STRATHFIELD COLLEGE - SYDNEY, MELBOURNE

Олон Улсын Боловсрол Хөгжил сангийн хамтын ажиллагаатай Сидней, Мельбурн хотуудад салбартай Strathfield коллежид дараах мэргэжлээр сургалтын төлбөрийн 100% тэтгэлэгтэй суралцах боломжтой:

  1. Компьютер, мэдээлэл технологи
  2. Зочид буудал, зочлохуйн үйлчилгээний менежмент
  3. Бизнесийн удирдлага
  4. Удирдлагын менежмент гэсэн чиглэлээр дипломтой хөтөлбөрт 1-2 жилийн хугацаанд суралцана. Эхний жилийн сурлагын амжилт, сайн дурын ажлын идэвх оролцоог харгалзан хоёр дахь жилийн сургалтын төлбөрийн тэтгэлэг олгогдоно.

Хоёр жилийн сургалтын хөтөлбөрийг дүүргэснээр олон улсад хүлээн зөвшөөрөгдөх дипломын зэрэгтэй төгсөх бөгөөд цааш үргэлжлүүлэн их сургуульд кредитээ тооцуулж 1-1.5 жил суралцсанаар Бакалаврын зэрэг авах боломжтой.   

Strathfield коллеж нь гадаад оюутнуудын хамгийн их суралцдаг Сидней, Мельбурн хотуудад байршилтай бөгөөд олон улсад хүлээн зөвшөөрөгдсөн мэргэжлийн боловсрол олгодог. Оюутнуудыгаа төгсөөд ажлын байран дээр гарахад шаардлагатай бүхий л ур чадварыг эзэмшүүлэхийг зорьдог бөгөөд суралцах хугацаанд нь олон нийтийн үйл ажиллагааг тогтмол зохион байгуулдаг. Элсэлтийн хугацаа сар бүр явагддаг.

KINGSFORD INTERNATIONAL INSTITUTE SYDNEY

Олон Улсын Боловсрол Хөгжил сангийн хамтын ажиллагаатай Сидней хотын төвд байрлах Kingsford International дээд сургуульд дараах мэргэжлээр сургалтын төлбөрийн 100% тэтгэлэгтэй суралцах боломжтой:

  1. Компьютер, мэдээлэл технологи
  2. Төслийн удирдлага
  3. Бизнесийн удирдлага
  4. Маркетинг, олон нийтийн харилцаа
  5. Удирдлагын менежмент гэсэн чиглэлээр дипломтой хөтөлбөрт 1-2 жилийн хугацаанд суралцана. Эхний жилийн сурлагын амжилт, сайн дурын ажлын идэвх оролцоог харгалзан хоёр дахь жилийн сургалтын төлбөрийн тэтгэлэг олгогдоно.

Хоёр жилийн сургалтын хөтөлбөрийг дүүргэснээр олон улсад хүлээн зөвшөөрөгдөх дипломын зэрэгтэй төгсөх бөгөөд цааш үргэлжлүүлэн их сургуульд кредитээ тооцуулж 1-1.5 жил суралцсанаар Бакалаврын зэрэг авах боломжтой.   

ТЭТГЭЛГИЙН ШАЛГУУР

  • Гадаадад суралцах чин хүсэл эрмэлзэлтэй, өмнөө тавьсан зорилготой 
  • Сүүлийн нэг жилийн сурлагын голч дүн 85-аас дээш 
  • IELTS 5.5 оноо /Astley English коллежийн хэлний бэлтгэлд суралцах бол шаардлагагүй/
  • Австралийн визний шаардлага /Австрали улсад тэтгэлгээр суралцах хүсэлтэй оюутан сурагчид сайн дурын ажилтнаар бүртгүүлэхээс өмнө сангийн Австралийн хөтөлбөр хариуцсан мэргэжилтнээс онлайн уулзалтын цаг авч, Австрали улсын визний санхүүгийн шаардлага хангаж байгаа эсэхээ заавал шалгуулна. Онлайн уулзалтын цаг авах зааврыг дараах холбоосоор аваарай. www.edufund.mn/meeting холбоосоор /
  • 2020 оны 6 сард Ерөнхий боловсролын гэрчилгээгээ авсан байх. 2018-2019 онд төгссөн, одоо их сургуулийн 1,2-р курсын оюутан байж болно.
  • Нийгэм, соёл урлаг, спортын үйл ажиллагаанд идэвхтэй оролцож, шагнал урамшуулал авч байсан бол давуу тал болно.
  • Edufund Academy онлайн сургалтын хөтөлбөрийг амжилттай дүүргэсэн
  • Сангийн сайн дурын ажилд идэвхтэй оролцсон
  • Багаар ажиллах чадвартай
  • Өөрийгөө илэрхийлэх, олон нийтэд мэдээлэл хийх чадвартай
  • Сошл сувгуудыг үр дүнтэй ашиглах чадвартай
  • Блог, Влог, Контент бэлдэх чадвартай